spot_img
21.4 C
New York
Thursday, May 23, 2024
spot_img

Anthu akwa Nyambo m’boma la Kasungu aopsyeza ESCOM

By Topson Banda, Kasungu Community Radio

Anthu okhudzidwa kwa Nyambo m’dera la mfumu ya ndodo Wimbe m’boma la Kasungu aopsyeza kuti akachita m’bindikiro ku maofesi a bungwe la ESCOM m’bomali.

Izi zikudza pomwe anthuwa akhala opanda magetsi kuchokera m’chaka cha 2021, kutsatira kuonongeka kwa transformer yomwe imkaperekera magetsi m’deralo.

Wapampando wa anthuwa a Byson Mwale wati apereka ma sabata awiri okha ku maofesi a bungweli kuti akawaikire transformer ina kapena awatsimikizire tsiku lenileni lomwe adzalandirenso magetsi.

“Ngati sipachitika chilichonse m’masabata-wa, tikamanga msasa ku maofesi komweko. Zaka zachulukitsa asakutiganizira ndipo takhala tikugogoda ku ESCOM koma ata! Siziphula kanthu.

Chaka chatha a ESCOM anadzachotsa transformer yoonongekayo nkutilonjeza kuti ayika ina sabata yomweyo koma mpaka lero kuli zii! Ma bizinesi anthu anaima kale-kale pano tusowa mntengo wogwira,” atero a Mwale koma mokwiya.

Koma engineer wamkulu ku bungweli m’bomali a Blessing Mwafulirwa watsimikiza kuti alandira chikalata cha madandaulocho.

Komabe a Mwafulirwa ati deralo liri pa mndandanda wa madera omwe alandire ma transformer posachedwapa.

Related Articles

LEAVE A REPLY

Please enter your comment!
Please enter your name here

- Advertisement -

Latest Articles